Уште од вечерва ќе почне да се пренесува отпадот од дивата депонија во Тетово во регионалната депонија кај Русиново, Гостиварско. По многубројните средби и договарања, конечно е постигнат договор за пренесување на отпадот на средба меѓу градоначалниците на Тетово, Гостивар, претседателот на региналната комисија на општините од Полошкиот регион и министерот за животна средина.

„Постигнат е договор за пренесување на отпадот од Тетово во Гостивар. Треба да се продолжи со инвестициите за да се подобрат условите за адекватно пренесување на отпадот“, рече министерот Јакупи.

„Со овој договор конечно се затвора овој проблем. Истовремено договорот нè обврзува во иднина да не дозволиме да се појават проблеми од слична природа“, рече градоначалникот на Гостивар, Руфи Османи.

„Му се заблагодарувам на Советот на општините на Полог, на градоначалникот на општината кој овозможи од денеска да започнеме со пренесување на отпадот во Русино и му се заблагодарувам на министерот за неговиот ангажман“, изјави Градоначалникот на Тетово, Сади Беџети.
Проблемот со дивата депонија во Тетово траеше повеќе од девет месеци. Паралелно со пренесувањето на отпадот треба и да се завршуваат останатите инвестиции во депонијата во Русино.

Во Џепчиште се отвори Центар за развој на полошкиот плански регион

Центар за развој на полошкиот плански регион со кој ќе се развива и подига инфраструктуратата, туризмот и стопанството се отвори денес во Џепчиште.

На свеченото отворање прусутвуваше претставничка од амбасадата на Република Германија, Елизебет Милер, вицепремиерот Абдулаќим Адеми, Министерот за локална самоуправа Муса Џафери и градоначалници од тетовските општини.

Центарот за развој на полошкиот плански регион е втор од осумте кои се планирани да се отворат во земјава во сите плански региони. Половина од средствата за функционирањето на Центарот во првите 5 години ќе бидат издвојувани од централниот буџет. Конкретно за првата година се издвоени 8.5 милиони денари. Другите 50% ќе треба да ги обезбедат општините од полошко.

Центрите за регионален развој се воспоставуваат согласно Законот за рамномерен развој донесен во мај 2007 година и тие ќе бидат надлежни за подготовка на Програмата за развој на планскиот регион како и за конкретни проекти штто ќе бидат финансирани со средства од буџетот на држвата, но и од европските фондови. Проектот е потпомогнат ид германската асоцијација ГТЗ РЕД која во наредните 4 години ќе инвестира три милиони евва за отворање на сите 8 те регионални центри.

Регистриран е регионалниот Центар за рамномерен развој за 9-те општини во тетовско - гостиварскиот регион, Центар од каде општините заеднички ќе аплицираат со конкретни проекти до владините институции и до Европските фондови.

Локалните власти од полошкиот регион денес на работниот состанок се сретнаа со представниците од министерството за локална самоуправа со кои постигнаа начелен договор за соработка.

Се состанавме да го разгледаме стратешкиот материјал за развој на Полог, изјави пред состанокот тетовскиот градоначалник. За представниците на германското друштво за техничка соработка кое го финансира проектот на државно ниво со стратегијата за рамномерен развој ќе се промени иднината, на економски план општините ќе кренат напред.

Од 2009-та година Центарот за рамномерен развој ќе аплицира до министерствата и до европските ИПА фондови за финансиска подршка за пректите. Во полошкиот крај изготвена е среднорочната програма за натамошен развој на општините.

Колку средства ќе издвојуваат општините од буџетите за Центарот, со колку проекти ќе аплицираат и со колку средства ќе се партиципира во нивната конкретна реализација, градоначалниците дополнително ќе се одлучат. Канцеларијата на регионалниот Центар за развој на 9-те општини од полошко ќе биде сместена во просториите на поранешната општина Џепчиште. Останува да се назначи директор кој ќе го менаџира Центарот.

На состанокот во кратки црти представниците од министерството за локална самоуправа ја презентираа и прекуграничната соработка меѓу општините. Прекуграничните проекти за развој на туризмот на културната и друга соработка помеѓу две соседни земји ќе се финансираат со десетици илјади евра, навестија од ГТЗ.